Atelewo

 

Ore wa,

won ni agba ti n sare ninu eekan,

bi o ba si nkan ti n le,

aa si ni nkan ti n le.

K'orisa oke maa je ki riri wa o po ju 

airi lo,

mo maa wa tun de loni,

emi ni Alabi oko Abebi,

emi ni Ikoyi eru ofa,

tapotapo e si n d'eru oogun ba'ni,

Onikoyi o — se kosi nkan?

Oogun lo buru l'eso o de'le pe,

Oogun lo buru l'eso o pe'ra won 

loruko,

Onikoyi kii gb'ofa leyin,

gbagba iwaju ni baba won fi n gb'ota

o ri oun alumoni fi se'so,

Edumare to s'eda dudu oun pupa

sebi oun naa lo s'eda olowo ati 

talaka,

o ni ki olowo maa l'owo si,

ki olosi maa we ninu odo ise,

mo wa ni se oun a ba lowo eni ni 

tunmo igbesi aye eni ni?

B'o ba je be, tani oloola to ko'la Oba 

Ogunwusi,

tani oloola to ko ti baba Ogunde,

Mo ni, tani oloola to ko ti 

Owokoniran,

bee oloola yii kan na lo ko ti 

Tanmola,

oun lo ko ti Kadara lowo,

oun naa lo ko ti Kashimawo.

Atelewo eni kii tan'ni je lo kuku wii

amo bi atelewo eni ba ko,

ti o gbe'ni de ibi ire,

bi a be atelewo oun so'nu,

se o l'eewo bi?

Kosi oun o buru nibe!

Ore wa,

atelewo la ba ila,

a o mo eni ti o ko,

iku ti n p'ode, mo sebi inu aapo ni n 

gbe,

iku ti n p'omuwe, inu odo ni n f'orisi,

iku ti n p'akikanju, oju ogun ni n gbe

amo kini aditu eni lowo lolaa ati eni 

ti 

Ore mi atata,

ilu agidigbo l'oro yii,

ologbon ni n jo,

omoran ni n lu,

awon ara oke ohun ni si n tumo re 

pelu,

ni o mu mi ranti ore mi — Dada 

Awuru,

adahunse lo'ri owo lo gbe w'aaye,

won ni oun gan ni won o ba maa pe 

l'olowo eyo,

bi o ba wa sise, yoo l'ola,

bi Dada ko, bi o sise, yoo l'ola,

abalo ababo, Dada o ri oun gbe'se ti o 

fi re iwale aasa,

nje adiitu wa ko l'oro yii bi?

Aso maa l'edidi eniyan,

eniyan b'aso sile, bi obo laa ri,

opo eniyan aa si jo inaki,

a o ba ri eni ti ara re di koko

ati eni ti ara re se gbodidi,

Edumare, o maa ku'se o,

Oba nla ti n r'eru elegbo l'ese,

o ni ki esinsin fi maa r'oun s'ounje,

o ta elegbo l'ese, o k'owo, o ra.

Didikudi, Didikudi w’ole, ko gboran,

ti o fi gba iyi lodo oloko,

alawo ni ki o toju ewe eeya,

ki o toju ewe eegba,

won ni ooyun o m'oko ro,

nje ki won mu ooyun leyin orun,

o ni ariyaya n ti ya,

nje ki won na ni igi leyin orun,

o ni ewe eegba jo'gba,

mo wa ni, se atelewo lo gbe ooyun ni

abi ise owo eni?

Adiitu yii kuku ye oosa oke,

lo difa fun awon agba kan, agba kan

too ni Iyawo ti a fe l'ode ijo, eyin aro ni n sun 

—

Abebi ti emi fe l'ode ijo,

o sun eyin aro o,

o n be n'iyewu ti n da'na ya mi lenu.

Awon agba kan, agba kan tii soro,

iba baba Faleti,

eyin l'eni Jogbo bi oro,

Jogbo bi oro,

oloju meji a se ise odo,

oloju meji a se ise Kaduna,

bi eyan o loju mejila, ko le se ilu Jogbo,

elenu meji a se Ibadan,

elenu meji a se Eko,

bi eyan o lenu mejidinlogun,

ko lee se ilu Jogbo

o ta Didikudi, o pa owo, o ra Agbari,

apa Agbari o r'oko, eyin Agbari o bere,

o tun ni fila aran l'oun fe maa de,

won ta, won fowo kowo, won ra Igunnu,

Igunnu d'oko, o feyin ti kukute, o n ye ara re 

l'epon wo,

won ni eleyii o mo oko ro,

won ta, won f'owo kowo, won ra Tanndu,

oun na d'oko ko ri nkankan se,

won p'owo po, won le ra ooyun,

ooyun ni ki ni oun o maa se

olowo meji a se Ekiti,

olowo meji a se Egba,

bi eyan o l'owo merinlelogun,

ko le se ilu Jogbo,

Jogbo bi oro,

Jogbo ree bi Oro,

atelewo wa ni iwogbe wa,

Edumare so'ni l'oode aye,

ore mi atata, a o maa ri bi akuko ba tun ko,

ijakumo kii rin'de osan,

omo ree ki n rin'de oru.

 Ire o.

Author: Yusuf Balogun Gemini