 |
| Photo by Micheal Ogungbe on Unsplash |
My bro, you fit help me with small cash, abeg Anything you fit drop go do, I swear e go touch your hand back before you know.
Person don turn beggar finish
And omo e don dey show
Seyi don dey mute my chat,
He don tire to tell me “No"
I don dey break my momsi heart
She don too tire to collect loan
I don dey lose my rep for street
Na every shop I don dey owe
My bro you fit help me with small cash?
Anything you get go do
I swear e go touch your hand back
My guy I no dey deceive you
Person don turn lier finish
And everybody don dey know
GB don vex for me twice
I dey late pay what I owe
Credit score all in the mud too
I don too default on loans
People don give me handout tire
Angel investor don dey broke
My bro you fit help me with small cash?
Abeg anything will do
I swear e go reach your hand back
Guy why I go lie for you?
Person don dey stick to diet
When I no dey watch my weight
Oseni don dey give me attitude
Because I don dey too late to pay
Food stuff no dey for house
To dey chop na once a day
Things are hard for here my brother
I just dey find money to sustain
My bro help me with small cash, abeg
Omo anything will do
I swear I go pay you back bro
I no fit lie for you
These are tough times, and I know
As things be now, I hate to look
But I be man of my word bro,
I swear I'll get it back to you.
